حبابكم عشرة

قبل يومين او تلاته وفى منتصف الليل تقريبا كنا مجموعه من الشباب (متعطلين) بجوار احد المطاعم . وفجاه جاءت عربه بسرعه خياليه وضربت احد الماره (وكب الزوغه) وكعاده السودانيين وشهامه اولاد البلد اسرع جميع من الشارع ناحيه المصاب بينما اسرع اصحاب العربات (السيارات) لمطارده المجرم الهارب ....... دا كلوا ما موضوعنا
الموضوع انو الشخص المصاب عانى من الناس (الشمشارين) اكتر من ضربت العربيه نفسها
اتخيلوا زول مضروب والناس حولوا واى واحد ينظر على كيفو
شيل الزول ده ودوا المستشفى ..... لالالا انتظروا البوليس ..... لالالا انا ضربت للاسعاف وجاى فى السكه
ياخ اسعاف فى عينك ارفعوا فى البوكسى ده
ده كلوا واخونا المصاب راقد ومتالم ما معروف من الناس دى ولا من الصدمه
نهاااااايتوا كده اخونا الكاشف اترفع فى بوكسى ومشى المستشفى بس الحصل شنو بعد داك انا ماعرف

الشعب السودانى شعب طييييييييب جدا ويحب مساعده الغير فقط ينقصه الوعى الحضارى فى التعامل مع الاحداث خصوصا الطارئه... نرجوا من الدوله التوعيه للمواطنين عبر وسائل الاعلام حتى لا يتكرر مثل هذا الموقف وتموت ناس نتيجه
(التنظير )

وشكرا